منتديات عالم المتزوجات - عالم حواء

ليش وزني ثابت ؟! ,, ليش وزني زايد ! ,, متى افضل وقت للوزن ؟؟
وكل هالتساؤلات جاوبها في الموضوع ..

طرق وزن الجسم ,, او طرق قياس تقدم الجسم ووصولك لهدفك عديده ~
وتعتمد عليك ,, انتي شتبين بالضبط ,, ايش يهمك ,,

1- حساب الدهون // track your body fat
طبعا هالطريقة من افضل الطرق .. وهي عبارة عن قياس كمية الدهون في الجسم
لان الميزان الاعتيادي عادتا لا يعبر عن كمية الدهون ,,

وبعد مرات بسبب العادات الغذائية الخاطئة .. نكون نفقد عظلاتنا وماي الجسم
لكن الدهون هي هي ,, ما تزحزت من مكانها ,,

كيف يعني افقد عضلات وماي ؟؟

الجسم لما يفقد العناصر الغذائية المهمه ,, يبتدي يحلل جزء من العضلات

وهذا يعني ضعف فالجسم ,, ومثل ما انتوا عارفين العضلات هي مصنع حرق الدهون فالجسم

يعني ما فيه عضلات كثير ,, ما فية حرق للدهون سريع ,,

فبكيذا هالطريقة بتعطيك فكرة عن التقدم الحقيقي اللي قاعده تحققيه .

معدل الدهون في الجسم الطبيعي يتراوح بين 25 – 31 % للنساء و 18 – 25 % للرجال ..

طييب ,, الحين كيف نقيس معدل الدهون فالجسم ,,؟!!

ممكن تروحين مستشفى خاص تطلبين منهم فحوصات معينه واشعه عشان تعرفين كمية الدهن ..

او تروحين لدكتور تغذيه يكون عنده ميزان معين ,, توقفين فوقة وتمسكينه باليدين ,, ويحسب

كمية الدهون ونسبة الماي بجسمك والاملاح وما الى ذلك
طبعا كل جسم عنده معدل معين للدهون ,,
نصيحه //

# عشان تتاكدين ان كل مرة القياس مضبوط ,,
قيسي كل اسبوعين او كل شهر ,,

قيسي كل مرة فنفس المكان

احتفظي بقياسات لك في نوته ,, عشان تشوفين التطور وتكون داافع لك ,,


2- الميزان


اشهر واسهل طريقة لقياس الوزن طبعا .. مع انها ممكن تكون اكثر الطرق خداعا ,,؟!!
لييييش ؟؟

لان لما نقيس وزننا الميزان يقيس العضام والعضلات والاعضاء الداخليه كلها ,,

ويقيس حتى رشفة الماي الله توج شربتيها ,,
واهم شي اللي هو الدهون ما يقيسهم ,,

وغير انه لو ثبت الوزن ,,على طول نروح ناكل ونخرب الدايت

متحججين بانه ليش اتعب نفسي والميزان ما قاعد يتحرك ,, ؟؟

طبعا هالكلام مو معناه ان الميزان غير مفيد ,, لكن هذا الكلام عشان تفهمون انه الميزان حساس
وكيفية التعامل معاه . . so << خلنشوف انواع الميزان ,,

1- اول نوع هو ميزان المؤشر ,,

هو ميزان ما يعتمد لا على بطارية ولا اي شي ,, مجرد تركبين فوقة والضغط هو اللي يحرك المؤشر
ويحسب الكيلوات غرامات فقط ,, يعني مستحيل تقيسين عليه وتقولين وزني 66.4
بس تقولين تقريبا 66 ,,

اسوأ نوع بالنسبة لي ,, يعني لما اكون فبداية الرجيم بنزل بالكيلوات فبيبين عالميزان
لكن بعد فترة الفرق بيكون مجرد غرامات ما تبين فالميزان المؤشر ,
وانا في امس الحاجه اني الاحظ هالتغيير ,, غير انه مو دقيق ابدا
هذا هو الميزان





2- ميزان الديجتال //

اكثر ميزان انصحك فيه .. يعطيك وزنك بالضبط وبالغرام وحسااس جدا ,,








شاشة رقمية كبيرة ,, واضحة القراءات فيها ,,

يحسب لك دهون الجسم , ماي الجسم , والعضلات ,,


موقعهم الرسمي { اضغطي عالصورة }