منتديات عالم المتزوجات - عالم حواء

المكونات :


1 - زيت زيتون نوع ممتاز ,,, غني عن التعريف كفاية انه مذكور في القرآن
2 - زيت خروع ,,, معروفة خصائصه في إنبات و تكثيف و ليونة الشعر
3 - زيت سمسم ,,, بينعم الشعر جداً خاصة الجاف و الهايش

الثلاثة دول بينجبهم جاهزين من عند العطار

4 - زيت إكليل جبل ,,, روعة زي السحر في التطويل بينشط فروة الراس و بيفرد الشعراية
5 - زيت ثوم ,,, مفيد لمنع التساقط و تقوية فروة الراس
6- زيت فلفل حار ,,, منشط مش عادي لفروة الراس و لتطويل الشعر

الثلاثة دول بنعملهم في البيت

7- زيت النخاع ,,, حبيبي ده لمعان نعومة كثافة طول تغذية .. بإختصار شعرك معاه في منتهى الجمااااال

و ده بنجيبه من عند الجزار و نسيحه على نار هادية

بنحط معلقة كبيرة من كل زيت في طبق و يا إما ندفيه في الميكروويف أو على حمام مية المهم يكون دافي لما نستعمله , نفرق شعرنا المغسول النظيف على شكل + و كل ربع نفرقه كمان + و نجيب قطنة نحطها في الزيت و نمسح على فروة الراس نعمل كده لراسنا كلها وبعدين ندهن الشعر كله بخلطة الزيوت مش نسيب اي حتة فيه وبعدين ببطن صوابعي بدلك بحركات دائرية و براحة فروة راسي وبلفه طاقية او كحكة بس لقدام عشان فروة الراس تتنشط
وبلف كيس بلاستيك و فوقه بونيه و بعمل فوقه الاستشوار و البس عليه ايشارب و أخليه كده من ساعتين لثلاثة .. اغسله بعدها كويس بمية دافية أكرر الكلام ده مرة في الاسبوع ....

انتبه و انا بغسل شعري لاحسن زيت الفلفل يدخل عيني لأني مرة سهيت و كان يوم عيني بقت حمرا و حرقتني على الاخر لكن لما تاخدي بالك خلاص مافيش مشاكل

زيت إكليل الجبل

نجيب مقدار كبشة يد من الإكليل نحمصه شوية على النار لعند ما نحس ان ريحته بدت تطلع نصب عليه زيت زيتون و نطفي على طوووول ما نخليش الزيت على النار , طبعا مقدار الزيت اللي بضيفه بعايرة بالإزازة اللي ححط فيها الزيت بعد ما يخلص و بعدين اغلف الإزازة بورق القصدير و اسيبه في مكان معتدل الحرارة عشر أيام

و دي صورته



و نفس الطريقة نعملها مع الثوم و الفلفل لكن طبعاً بعد ما أقطعهم صغير بالسكينة

زيت الثوم




زيت الفلفل



مش تخافي منه مش بيحرق فروة الراس لأنه متخلط بزيوت تانية تهديه , و هو اللي بيطول الشعر جدااااا فنتحمله بقى

و طبعاً أغلفهم بالقصدير عشان الضوء مش يأكسد الزيوت الفعالة اللي في النبات



نيجي للنخاع

اللي مش يعرف كيفية استخراجه من العظم يقول للجزار اللي بيتعامل معاه و ده شكله



نسيبه على نار هادية أو حمام مائي لعند ما يبدأ يسيح



و نستنى لعند ما يسيح تماماً



نصفيه و نسيبه يهدى شوية



اصبه في إزازة معتمة و بحط كم عود قرنفل على الوش بيخلي ريحته حلوة و بينزل خواص القرنفل كمان



أنا بحفظه في الثلاجة و لما احتاجه احطه في حمام مائي و اخد منه و ارجعه تاني للثلاجة

المصدر: منتديات عالم المتزوجات - عالم حواء - من قسم: عالم المتزوجات للجمال والبشرة والشعر