نحتاج ...
كريم مرطب اي نوع عندك ..يفضل يكون كثيف
اكياس بلاستيك صغيره قد رجلك
شرابيب 
لكن انتي استخدمي القديم المستهلك عشان ترمينه بعدين
الحجر الخفاف ....وفرشه للاظافر وبين الاصابع وصابونك المعتاد
الطريقة :
1) تدهنين رجولك ....وتكثرين اذا كانت اول مره وتركزين على الكعبين والاصبع الكبير المنطقه اللي تحته
وبين الاصابع
2) بللي شرابك واعصريه لايصير ينقط مويه هههههههههه نبي رطوبه بس
3) عاد الحين نبي نحفظ هالرطوبه ....شلون ؟؟؟
نلبس عليه كيس بلاستيك شفتو الذكاء 4) عشان تاخذي راحتك وتتحركي.... لاني اذا لابسه كيس روجلك تتزحلق
فالبسي شراب ثاني طبعا ناشف ....
عاد براحتك ...ساعه ساعتين ...3 ساعات ...اللي يعجبك
اذا خلصتي ممكن تسوين هالخطوه وانتي تاخذين الشور حقك ......ولا تدلعين نفسك وتسوين بدكير
لكنها خطوه بسيطه جدا عشان الجلد الميت كله ينزل وتتنعم الرجل
ولا تنفجعين من رجولك اذا شلتي الشراب ....بتكون مجعلكه ورطبه وحالتها حاله
عادي 5 دقايق وتصير مافيه اروع منها
الحين تنقعين رجولك بمويه وصابون ...وانا اضيف شرايح ليمون
مو لازم تنقعينها لانها اصلا منقوعه ....بس هي هالخطوه للنظافه فقط بعدين تستخدمين الحجر للكعبين وللمناطق القاسيه ....دعك بحركه دائريه ناعمه
مافيه داعي للفرك لانه اصلا الجلد طري وجاهز عشان يطيح
ونظفي بين الاصابع والاظافر بالفرشه
واذا بتدلعين عمرك استخدمي المقشر .... هالنوع من بودي شوب
Africa Ximenia & Salt Scrub
املاح مقشره للجسم
تحتوي على خلاصة الرز
سعره 99 ريال
هنا نكون خلصنا .....بس نرطب الرجول بالكريم المعتاد اللي تستخدمينه وتفضلينه ...ونحرص اننا ما نمشي حفيانين عشان ما تنشف رجولنا مره ثانيه
المرطب من بودي شوب
الكريم هذا رائع من بودي شوب لليدين والرجلين
Africa Honey & Beeswax Hands & Foot Butter
كريم الاقدام واليدين بزبدة الشيا وشمع العسل سعره 65 ريال
{ والنتيجه النهائيه انه بعد كم استخدام لهالطريقه .... رجلك باذن الله بتلق لقققق
والزين فيها انها بسيطه وعمليه وغير متعبه ولا مكلفه
0 Responses to باي باي ياتشققات الاقدام والى الابد....